Paris-2024: Hacı Əliyevin rəqibi bəlli oldu
Fransanın paytaxtı Parisdə keçirilən Yay Olimpiya Oyunlarında sərbəst güləş yarışlarının son püşkü atılıb.
Msporta.z xəbər verir ki, sabah mübarizəyə başlayacaq Azərbaycan pəhləvanları Hacı Əliyevlə Maqomedxan Maqomedovun da ilk görüşdə qarşılaşacağı idmançılar müəyyənləşib.
65 kq çəkidə çıxış edən Hacı Meksika təmsilçisi Ostin Qomeslə üz-üzə gələcək.
97 kq çəkidə çıxış edən Maqomedxan isə Dominikan Respublikası təmsilçisi Luis Migel Pereslə görüşəcək. Hər iki güləşçimiz mübarizəyə 1/8 finaldan başlayacaq.
Qeyd edək ki, bu iki çəki dərəcəsində həlledici qarşılaşmalar avqustun 11-də keçiriləcək.