Polşa klubundan Azərbaycan millisinə
Polşanın “Visla” (Plotsk) klubunun müdafiəçisi Anton Krivotsyuk Azərbaycan milli komandasına dəvət olunub.
Msport.az xəbər verir ki, bu barədə sözügedən klubun mətbuat xidməti məlumat yayıb.
Xəbərdə Krivotsyukun Moldova və Şimali Makedoniya ilə yoxlama oyunlarına dəvət aldığı diqqətə çatdırılıb. Klubu buna görə müdafiəçini təbrik edib, uğurlar arzulayıb.
Xatırladaq ki, Azərbaycan millisi noyabrın 16-da Kişinyovdakı “Zimbru” stadionunda Moldova yığmasının qonağı olacaq. Bu oyuna Bakı vaxtı ilə saat 21:00-da start veriləcək.
Ayın 20-də isə yığmamızı Skopyedəki “Todor Proeski Milli Arena”da Şimali Makedoniya ilə matç gözləyir. Bu qarşılaşma isə Bakı vaxtı ilə saat 17:00-da başlayacaq.
