Premyer Liqa klubu azarkeşlərinə görə cəzalandı
UEFA İntizam Komitəsi “Tottenhem” klubunu azarkeşlərinə görə cəzalandırıb.
Msport.az xəbər verir ki, Çempionlar Liqasının Liqa mərhələsinin 8-ci turunda “Ayntraxt”la görüşdə London təmsilçisinin fanatları irqçi hərəkətlərə yol veriblər.
Almaniyada keçirilmiş görüş “Tottenhem”in 2:0 hesablı qələbəsi ilə başa çatıb.
Oyun zamanı “Tottenhem”in 3 azarkeşi nasist salamı verib. Buna görə klub 30 min avro cərimə olunub.
