"Qalatasaray"la oyunun Bakıda təşkili ilə bağlı danışıqlar gedir" - Emreh Çelikel
“Qarabağ” Türkiyənin “Qalatasaray” klubu ilə xeyriyyə oyununun keçirilməsi təşəbbüsü ilə çıxış edib.
Msport.az xəbər verir ki, Ağdam klubunun direktoru Emrah Çelikel qardaş ölkədə baş verən güclü zəlzələdən zərərçəkənlərə yardım məqsədi ilə təşəbbüs irəli sürdüklərini söyləyib. Onun sözlərinə görə, hazırda matçın Bakıda təşkili ilə əlaqədar tərəflər arasında danışıqlar gedir: “Bu oyun planlaşdırılır. Amma matçın tarixi və rəqibin səfər proqramı dəqiqləşməyib. Hər şey dəqiqləşdikdən sonra məlumat verəcəyik”.
E.Çelikelin sözlərinə görə, xeyriyyə matçı ilə əlaqədar “Qalatasaray”ın Almaniya və “Ferensvaroş” da daxil olmaqla Macarıstan klubları ilə danışıqları olub. Lakin “Qalatasaray” “Qarabağ”la oyun keçirməyə üstünlük verib.
Qeyd edək ki, bu matçın mart ayında milli komandaların oyunları ilə bağlı yaranacaq fasilə zamanı keçirilməsi nəzərdə tutulur. (qol.az)
