"Qarabağ" böyük və zəngin komandadır"
Çexiyanın “Viktoriya” (Plzen) klubunun futbolçusu Con Moskera “GolCaracol” nəşrinə müsahibə verib.
Msport.az xəbər verir ki, kolumbiyalı hücumçu Çempionlar Liqasının pley-off mərhələsində “Qarabağ”a qarşı keçirdikləri oyundan da danışıb:
“Qruplara qalmaq üçün son rəqibimiz “Qarabağ” idi. “Qarabağ” qruplara düşmək istəyən böyük və zəngin komandadır. Səfərdə 0:0 hesablı heç-heçə etdik. Evdə onları məğlub etdik, mən də bir assistlə qələbəyə töhfə verdim və qruplara vəsiqə qazandıq”.
“Viktoriya” Çempionlar Liqasının C qrupunda İspaniyanın “Barselona”, Almaniyanın “Bavariya” və İtaliyanın “İnter” klubları ilə üz-üzə gələcək.
