"Qarabağ" yaxşı komandadır" - "Frayburq"un baş məşqçisi
Almaniyanın “Frayburq” klubunun baş məşqşisi Kristian Ştrayx Avropa Liqasının qrup mərhələsinin I turunda “Qarabağ”a qarşı keçirəcəkləri oyun barədə danışıb.
Msport.az xəbər verir ki, 57 yaşlı mütəxəssis Ağdam klubu ilə görüşün maraqlı olacağını deyib:
“Qarabağ”ın oyununa baxmışam. Onlar, doğrudan da, yaxşı komandadırlar. Fikrimcə, maraqlı oyun olacaq. Hazırda bütün düşüncəmizi bu matça yönəltmişik”.
Sentyabrın 8-də keçiriləcək “Frayburq” – “Qarabağ” oyunu Bakı vaxtı ilə 23:00-da start götürəcək.
