Qardaşına görə "Sumqayıt"ı "Kəpəz"ə dəyişdi
“Sumqayıt”ın futbolçusu Yusif Nəbiyev karyerasını “Kəpəz”də davam etdirəcək.
Msport.az xəbər verir ki, 24 yaşlı müdafiəçi yeni mövsümdən Gəncə klubunun şərəfini qoruyacaq. Nəbiyevin Yaşar Vahabzadənin komandasını seçməsinin səbəbi qardaşıdır.
Xatırladaq ki, Çexiya təmsilçisi “Viktoriya Jijkov”dan ayrılan Fərid Nəbiyev “Kəpəz”lə müqavilə bağlayıb. Yusif də yenidən qardaşı ilə bir komandada oynamaq istəyib. Müdafiənin sol cinahında oynayan futbolçu ötən mövsüm Azərbaycan Premyer Liqasında 11 oyunda meydana çıxıb.
Yusif Nəbiyev “Sumqayıt”a qədər “Qəbələ” və “Zirə” klublarının da formasını geyinib.
“Kəpəz” yaxın vaxtlarda bu transferi rəsmən açıqlayacaq.
