“Qəbələ”, “Neftçi” və “Sabah”ın rəqibləri bilindi
Konfrans Liqasında II təsnifat mərhələsinin püşkü atılıb.
Msport.az xəbər verir ki, İsveçrənin Nyon şəhərində baş tutan mərasim saat 15:00-da başlayıb.
“Neftçi” bu mərhələdə “Jelezniçar” (Bosniya və Herseqovina) – “Dinamo Minsk” (Belarus) cütünün qalibi ilə qarşılaşacaq.
“Qəbələ” Kiprin “Omoniya” klubu ilə üz-üzə gələcək.
”Sabah” isə “Makedoniya” (Şimali Makedoniya) – RFS (Latviya) cütünün qalibi ilə qarşılaşacaq.
