Qvardiola: “Zidan çox yaxşı idi”
“Mançester Siti”nin baş məşqçisi Xosep Qvardiola “Real”la Çempionlar Liqası ərəfəsində “kral klubu”nun sabiq çalışdırıcısı Zinəddin Zidan haqqında danışıb.
Msport.az xəbər verir ki, ispaniyalı məşqçinin əfsanəvi fransızla bağlı fikirləri bunlardır:
“Zidan çox yaxşı idi, çox. Böyük məşqçilərdən biridir. Onun oyunu, davranışı – əsl centlmen. “Real”ın məşqçisi kimi üç Çempionlar Liqasında qələbəsi. Futbol Zinəddin kimi böyük şəxsiyyətlərə layiqdir”.
Qeyd edək ki, “Mançester Siti” Çempionlar Liqasının 1/8 final mərhələsində “Real”la qarşılaşacaq. Oyunlar 11 və 17 mart tarixlərində keçiriləcək.
