Rauf Əliyev "Kəpəz"ə keçir
“Səbail”dən ayrılan Rauf Əliyevin yeni klubu məlum olub. Msport.az xəbər verir ki, 33 yaşlı hücumçu karyerasını Premyer Liqaya vəsiqə qazanan “Kəpəz”də davam etdirəcək. Milli komandamızın sabiq forvardı yaxın vaxtlarda Gəncə klubu ilə müqavilə bağlayacaq.
Futbolçu son mövsümdə “Səbail”in heyətində 24 oyunda 2 qol vurub.
Xatırladaq ki, Rauf karyerası ərzində “Qarabağ”, “Bakı”, “Xəzər Lənkəran”, “Neftçi”, “İnter”, “Kukesi” (Albaniya) və “Qəbələ” klublarında çıxış edib.
Təcrübəli hücumçu milli komandamızda 46 matçda 7 dəfə fərqlənib.
