“Sabah” hakimlə mübahisəyə görə 3200 manat ziyana düşdü
AFFA İntizam Komitəsi Premyer Liqanın daha 3 klubunu cərimələyib.
Msport.az xəbər verir ki, “Zirə”, “Kəpəz” və “Sabah” komitə tərəfindən cəzalandırılıb.
“Zirə”nin “Turan Tovuz”la, “Kəpəz”in isə “Sumqayıt”la matçda 4 futbolçusu sarı vərəqə aldığı üçün həmin klublar 800 manat cəriməyə məruz qalıblar.
“Şamaxı” ilə qarşılaşmada isə “Sabah”ın rəsmi şəxsləri birinci köməkçi hakimlə mübahisə yaşayıb. Bu, bakılıları 3200 manat ziyana salıb.
