“Sabah” İngiltərədən futbolçu transfer etdi – RƏSMİ
“Sabah” heyətini yeni futbolçu ilə gücləndirib.
Msport.az xəbər verir ki, nigeriyalı vinger Kristian Nvaçukvu bundan sonra paytaxt klubunda çıxış edəcək.
20 yaşlı futbolçu İngiltərənin “Şeffild Yunayted” klubundan transfer edilib. Nvaçukvu ilə müqavilənin müddəti 2029-cu ilin yayına kimi nəzərdə tutulub.
Futbolçu karyerası ərzində Bolqarıstanın “Botev Plovdiv” (2024/25) və Türkiyənin “Serikspor” (2026) komandalarında oynayıb.
