"Baku Sportinq"dən gözlənilməz məğlubiyyət, "Səbail" 2-ci pillədə
Bu gün futbol üzrə Azərbaycan 1-ci liqasında 23-cü tura yekun vurulub.
Msport.az xəbər verir ki, 2-ci oyun günündə 2 matç keçirilib. Autsayder “Şimal” öz meydanında “Bakı Sportinq”i qəbul edib. “Şimal” minimal hesabla qalib gələrək sonuncu pilləni tərk edib.
“Səbail” isə “Difai”nin qapısından 4 cavabsız top keçirib. “Dənizçilər”in heyətində Kamran Quliyev və Qurban Səfərov dubl edib. Bu qələbədən sonra xalqlarının sayını 43-ə çatdıran “Səbail” 2-ci pilləyə yüksəlib. Komanda lider “Şəfa”dan 9 xal geri qalır. “Mingəçevir” 42 xalla 3-cü, “Baku Sportinq” isə 41 xalla 4-cü yeri tutur.
23 aprel (cümə axşamı)
Şimal” – “Bakı Sportinq” – 1:0
Qol: A.Qla, 12
Şamaxı OİK stadionu
“Difai” – “Səbail” – 0:4
Qollar: K.Quliyev, 22, 47, Q.Səfərov, 51, 59
Buzovna qəsəbə stadionu
22 aprel (çərşənbə)
“Şəfa” – MOİK – 3:0
“Cəbrayıl” – “Mingəçevir” – 2:1
“Zaqatala” – “Şahdağ Qusar” – 0:1
