"Səbail"i tərk edən futbolçu geri qayıdır
Mahmud Qurbanovun “Səbail”in baş məşqçi postuna təyin olunması bəzi futbolçuların planlarını dəyişib.
Msport.az xəbər verir ki, Adil Nağıyev bir neçə gün bundan öncə komandadan getdiyini açıqlasa da, indi fikirini dəyişib.
Paytaxt klubu 26 yaşlı mərkəz müdafiəçisinə yeni müqavilə təklif etsə də, o, bununla razılaşmamışdı. Ancaq baş məşqçi postunda edilən dəyişiklikdən sonra futbolçu komandada qalmağa razılıq verilib.
