"Səfərdə keçirilən oyundan tam fərqli qarşılaşma olacaq" - "Rapid"in yarımmüdafiəçisi
“Rapid”in yarımmüdafiəçisi Nikolas Kün klubun rəsmi jurnalına müsahibə verib.
Msport.az xəbər verir ki, “Bayern Münhen”in II komandasından transfer olunan futbolçu “Neftçi” ilə Konfrans Liqasının III təsnifat mərhələsinin cavab oyunu haqqında da danışıb:
- “Neftçi” III təsnifat mərhələsinə kimi irəliləyə bildi. Bu gün rəqibdən hansı oyunu gözləyirsiniz? “İkinci nömrə” kimi oynayacaqlar?
- İlk matçda “Neftçi”nin gücünü gördük. Artıq onların nəyə qadir olduğunu bilirik. Bu gün bir həftə əvvəl səfərdə keçirilən oyundan tam fərqli qarşılaşma olacaq.
- İlk oyundakı məğlubiyyətdən sonra nəyin hesabına qalib gəlib pley-offa yüksəlmək olar?
- İlk dəqiqədən sona kimi oyun planımıza əməl etməliyik və yaratdığımız qol vəziyyətlərini dəyərləndirməliyik. Növbəti mərhələyə yüksəlmək üçün iki qol vurmalıyıq. Bu bizim başlıca məqsədimizdir.
