Tayson Fyüri karyerasını bitirdi
Superağır çəki dərəcəsində boks üzrə keçmiş dünya çempionu Tayson Fyüri karyerasını bitirdiyini açıqlayıb. Msport.az xəbər verir ki, britaniyalı idmançı bununla bağlı sosial şəbəkə hesabında videomüraciət yayıb.
Qeyd edək ki, Fyüri son iki döyüşünü WBC, WBA, və WBO kəmərlərinin sahibi ukraynalı Aleksandr Usikə qarşı keçirib və məğlub olub.
36 yaşlı Fyüri peşəkar karyerasında 34 qələbə qazanıb. O, bir müddət əvvəl də karyerasını bitirdiyini açıqlasa da, sonradan yenidən rinqə dönmüşdü.
