U-21 millimiz İngiltərə səfərində
21 yaşadək futbolçulardan ibarət Azərbaycan yığması Avropa çempionatının seçmə mərhələsində bu gün növbəti matçına çıxacaq.
Msport.az xəbər verir ki, Samir Əliyevin rəhbərlik etdiyi kollektiv İngiltərə seçməsi ilə üz-üzə gələcək.
Bristol şəhərindəki “Aşton Qeyt” stadionunda reallaşacaq görüş Bakı vaxtı ilə saat 22:30-da start götürəcək.
Qarşılaşmanı xorvatiyalı referi İvana Martinçiç idarə edəcək.
Qeyd edək ki, hazırda F qrupunda Ukrayna 24 xalla liderdir. İngiltərə 22 xalla ikincidirsə, üçüncü pillədə olan Serbiyanın 13 xalı var. Şimali İrlandiya 10 xalla dördüncü, Lüksemburq 7 xalla beşincidir. 3 xala malik Azərbaycan millisi turnir cədvəlinin sonuncusudur.
