"Viktoriya Plzen" "Ferentsvaroş"un hücumçusunu icarəyə götürdü
“Qaarbağ”ın UEFA Çempionlar Liqasının pley-off mərhələsindəki rəqibi “Viktoriya Plzen” daha bir transferini reallaşdırıb.
Msport.az klubun rəsmi saytına istinadən xəbər verir ki, Çexiya klubu “Ferentsvaroş”dan Forçun Bessini 1 illik icarəyə götürüb. Nigeriyalı hücumçu ötən mövsüm Macarıstan çempionatında 12 oyunda 2 qol vurub. O, cari çempionatda Budapeşt təmsilçisinin heyətində 1 oyunda forma geyinib.
23 yaşlı forvard əvəllər “Vlasim”, “Çeske Budyevitse”, “Usti Nad Labem”, “Olimpiya Radotin”, “Bohemians” (Çexiya) klublarında çıxış edib.
Bessini “Ferentsvaroş”un heyətində Çempionlar Liqasında (ÇL) “Tobol”la matçda (5:1) 23 dəqiqə meydanda olsa da, dubl etmişdi. Nigeriyalı futbolçu bu mövsüm ÇL-də çıxış etdiyindən “Qarabağ”a qarşı oynaya bilməyəcək.
