"Viktoriya" "Qarabağ"a qarşı necə oynayacaq?
“Qarabağ”ın Çempionlar Liqasının pley-off mərhələsindəki rəqibi “Viiktoriya Plzen” Çexiya çempionatının 3-cü turunda “Hradets Kralove” üzərində səfərdə 2:1 hesabı ilə qələbə qazanıb.
Msport.az xəbər verir ki, Mixal Bilekin komandası əvvəlki görüşlərdə 4 müdafiəçi ilə oynasa da, son matçda fərqli sistem seçib. Belə ki, “Viktoriya” bu dəfə 3 mərkəz müdafiəçisi ilə oynayıb. “Qarabağ”la çərşənbə günü keçiriləcək oyunda bu variant mümkün ola bilərmi” sualına Çexiya klubunun çalışdırıcısı belə cavab verib:
“Bu da variantlardan biridir. Bu futbolçuların sağlıq durumundan asılı olacaq”.
