Afrikalı müdafiəçi “Sabah”da qala bilər
Bu gün “Sabah”dan ayrıldığını elan edən Abdulaye Ba paytaxt təmsilçisində qala bilər.
Klubun mətbuat katibi Elnur Həmidovun Msport.az saytına verdiyi məlumata görə, seneqallı müdafiəçi bu gün klub rəhbərliyi ilə görüşüb:
“Razıyam, müqaviləsi bitib, hazırda bizim futbolçu sayılmır. Növbəti mövsümdə də bizimlə olub-olmayacağı barədə heç nə deyə bilmərəm. Çünki qala da bilər. Bu ehtimal var. Məsələyə qarşıdakı günlərdə aydınlıq gələcək”.
Qeyd edək ki, Abdullaye Ba ötən ilin yayından “Sabah”da çıxış edir.
