Ançelottidən rekordlar
UEFA Superkubokunu qazanan “Real”ın baş məşqçisi Karlo Ançelotti rekordlara imza atıb.
Msport.az xəbər verir ki, italiyalı mütəxəssis bu turniri 5 dəfə qazanan ilk baş məşqçidir.
O, Pep Qvardiolanı arxada qoyub. İspaniyalının 4 titulu var.
Ümumilikdə isə italiyalı mütəxəssislər 13-cü Superkuboka sahib çıxıb. İspaniyalıların hesabında 10 uğur var.
Ançelotti Avropada 10 titul qazanan yeganə baş məşqçidir: 5 Çempionlar Liqası və 5 Superkubok. Pep Qvardiola 7, Covanni Trapattoni və Aleks Ferqyuson 6 uğura sevinib.
Ançelotti “Real”da ümumilikdə 14-cü titulu qazanıb. O, Migel Munyosun klub rekordunu təkrarlayıb.
Qeyd edək ki, “Real” “Atalanta” ilə matçda iki cavabsız qol vurub.
