"Araz Naxçıvan"ın məşqçilər korpusu müəyyənləşdi
Azərbaycan Premyer Liqasının debütantı “Araz Naxçıvan”ın məşqçilər korpusu məlum olub. Msport.az xəbər verir ki, baş məşqçi Azər Bağırov köməkçilərini müəyyənləşdirib.
Ona milli komandamızın sabiq üzvləri Rail Məlikov və Əfran İsmayılovla yanaşı, qardaşı Araz Bağırov da kömək edəcək. Qapıçılar üzrə məşqçi vəzifəsində Ramiz Kərimov çalışacaq.
Naxçıvan klubunun fiziki hazırlıq üzrə məşqçisi də müəyyənləşib. Bu postda tanınmış serbiyalı mütəxəssis Miloş Yevtiç işləyəcək. O, müxtəlif komandalarda Kaxaber Tsxadadzenin köməkçisi kimi fəaliyyət göstərib. Yevtiç son olaraq Tsxadadze ilə birlikdə Qazaxıstanın “Kaspi” klubunda çalışıb.
