Argentinalı hücumçu “Ayaks”da
“Ayaks” heyətini yeni futbolçu ilə gücləndirib.
Msport.az xəbər verir ki, Niderland nəhəngi Maer Karrisonu transfer edib.
19 yaşlı hücumçunun keçidi “Ayaks”a 6 milyon avroya başa gəlib və onun əvvəlki klubu “Veles Sarsfild” bu məbləği tam şəkildə alıb. Karriso ilə imzalanan müqavilə 2030-cu ilin yayına qədər nəzərdə tutulub. O, Amsterdam təmsilçisində 7 nömrəli forma ilə çıxış edəcək.
Gənc futbolçu 2024-cü ilin yayından “Veles Sarsfild”in şərəfini qoruyurdu. Bu müddətdə 52 oyunda meydana çıxan Karriso 11 qol vurub və 3 məhsuldar ötürmə edib.
Qeyd edək ki, hazırda “Ayaks” Erediviziyanın turnir cədvəlində 4-cü pillədə qərarlaşıb.
