“Arsenal” onunla müqaviləni uzatdı
“Arsenal” Qabriel Martinelli ilə müqavilənin müddətini uzadıb. Msport.az klubun rəsmi saytına istinadən xəbər verir ki, brazliyalı futbolçunun əvvəlki müqaviləsi 2024-cü ilin iyununa kimi idi.
Yeni anlaşma 2027-ci ilin yayına kimi nəzərdə tutulub.
Martinelli London klubuna 2019-cu ilin yayında “İtuano”dan keçib. O, “topçular”ın heyətində 76 oyunda meydana çıxıb. Bu mövsüm hücumçu 27 oyunda 7 qol vurub və 3 məhsuldar ötürmə verib.
ANAR ABDULLAYEV
