“Atletiko” “Real”ın yetirməsini transfer etdi
“Atletiko Madrid” “Tottenhem”in və İspaniya millisinin müdafiəçisi Serxio Reqilonu icarəyə götürüb.
Msport.az “Sky Sports”a istinadən xəbər verir ki, futbolçu bu mövsüm İspaniya klubunda çıxış edəcək.
Reqilon 2020-ci ilin sentyabrında “Real”dan “Tottenhem”ə transfer olmuşdu. O, London klubunda olduğu 2 mövsüm ərzində 67 oyunda meydana çıxıb 2 qol vurub və 9 məhsuldar ötürmə verib.
Müdafiəçi bu mövsüm İngiltərə Premyer Liqasında forma geyinməyib.
İspaniya yığmasında 6 oyun keçirən futbolçu “Real”ın yetirməsidir.
