Azərbaycan çempionu Rumıniya klubu ilə qarşılaşır
Azərbaycanın futzal üzrə UEFA Çempionlar Liqasındakı təmsilçisi “Araz-Naxçıvan” bu gün əsas mərhələdə ilk oyununa çıxacaq.
Msport.az xəbər verir ki, 7-ci qrupda yer alan ölkə çempionu birinci matçında Rumıniyanın “Yunayted Qalati” kollektivi ilə qarşılaşacaq.
Qalati şəhərində yerləşən Dunarea İdman Sarayında keçiriləcək görüş Bakı vaxtı ilə saat 22:00-da başlanacaq.
Qeyd edək ki, Yevgeni Kukseviçin yetirmələri qrupda növbəti matçlarını sabah Lüksemburqun “Differdanje 03”, noyabrın 1-də isə Niderlandın “Tigers Roermond” komandalarına qarşı keçirəcək.
Çempionlar Liqası
Əsas mərhələ
7-ci qrup, I tur
29 oktyabr
22:00. “Araz-Naxçıvan” – “Yunayted Qalati” (Rumıniya)
Hakimlər: Aslan Qalayev (Qazaxıstan), Valentin Kiuplea (Uels), İrmantas Kapraşovas (Litva)
Timekeeper: Laurentsiu Deakonu (Rumıniya)
Hakim-inspektor: Neboyşa Paniç (Serbiya)
UEFA nümayəndəsi: Miodraq Raduloviç (Monteneqro)
Dunarea İdman Sarayı, Qalati
