Azərbaycan Kuboku: 1/8 finalın daha bir iştirakçısı bilindi
Futbol üzrə Azərbaycan Kubokunda II təsnifat mərhələsinin daha bir oyunu keçirilib.
Msport.az xəbər verir ki, günün ilk matçında “İmişli” “Cəbrayıl”la üz-üzə gəlib.
Qarşılaşma “İmişli”nin qələbəsi ilə yekunlaşıb – 5:1. Komanda 1/8 finalda “Kəpəz”ə rəqib olub.
Hazırda “Qəbələ” – “Sportinq Baku” matçı davam edir.
Qeyd edək ki, raundun əvvəlki oyunlarında “Turan Tovuz” “Hypers Guba”nı (7:2), MOİK “Şimal”ı (3:1), “Araz-Naxçıvan” “Şahdağ Qusar”ı (4:0), “Kəpəz” “Ağdaş”ı (6:0), “Səbail” “Dinamo”nu (6:0), “Qaradağ Lökbatan” “Karvan”ı (3:0), “Mingəçevir” “Zaqatala”nı (1:0), “Difai” “Şəfa”nı (3:2), “Şamaxı” isə “Şəmkir”i (6:1) məğlub edib. 1/8 final qarşılaşmaları dekabrın 3-4-də keçiriləcək.
