“Barselona”nın futbolçusunun atası bıçaqlandı
İspaniyanın “Barselona” klubunun futbolçusu Lamin Yamalın atası Munir Nasraui dayanacaqda bıçaqlanıb.
Msport.az “La Vanguardia” nəşrinə istinadən xəbər verir ki, oyunçunun atası ağır yaralanıb və Badalonadakı Can Ruti xəstəxanasına yerləşdirilib.
Hadisə ötən gecə qeydə alınıb. Yerli polisin istintaq idarəsi işi nəzarətə götürüb və hücumda şübhəli bilinən bir neçə nəfəri həbs edib. Cinayətin şahidləri də tapılıb.
Kataloniya qəzetinin istinad etdiyi mənbələr tanınmış futbolçunun atası, onun iştirakı ilə bir az əvvəl baş verən başqa bir qarşıdurmanın nəticəsi olaraq bıçaqlanıb. Belə ki, o, həmin gün axşam saatlarında Rokafonda məhəlləsində itini gəzdirdiyi zaman qınağa tuş gəlib. Belədə orada dava olub. Bir neçə saat sonra bəzi şəxslər Nasrauiyə yaxınlaşaraq onu bıçaqlayıblar.
