Türkiyə 27 ildən sonra ÇL-in qruplarında təmsil olunmayacaq
Bu gün UEFA Çempionlar Liqasında pley-off görüşlərinə yekun vurulub.
Msport.az xəbər verir ki, sonuncu oyun günündə keçirilən 3 cavab qarşılaşması ilə qrup mərhələsinin bütün iştirakçıları bəlli olub.
Türkiyənin turnirdəki yeganə təmsilçisi “Trabzonspor” cavab oyununu evdə keçirib. Qara dəniz təmsilçisi Danimarkada 1:2 hesabı ilə məğlub olduğu “Kopenhagen”i qəbul edib. Lakin trabzonlular qolsuz bitən cavab görüşündən sonra ÇL-lə vidalaşmalı olublar.
PSV isə Niderlandda Şotlandiya “Reyncers”i ilə münasibətlərinə aydınlıq gətirib. Qlazqodakı ilk görüşdə heç-heçə qeydə alınmışdı – 2:2. Cavab görüşündə isə “Reyncers” minimal hesabla qalib gələrək növbəti mərhələyə yüksəlib.
UEFA Çempionlar Liqası
Pley-offun cavab oyunları
24 avqust
Dinamo (Zaqreb, Xorvatiya) – Bodo Qlimt (Norveç) 4:1
Qol: Orşiç, 4. Petkoviç, 4. Drmiç, 117. Boçkay, 120 – Qronbaek, 70.
İlk oyun – 0:1
Trabzonspor (Türkiyə) – Kopenhagen (Danimarka) 0:0
İlk oyun – 1:2
PSV (Niderland) – Reyncers (Şotlandiya) 0:1
Qol: A.Çolak, 60.
İlk oyun – 2:2
