Dünya çempionu “Real”ı arzulayır
“Çelsi”nin yarımmüdafiəçisi Entso Fernandes performansı ilə əlaqəsi olmayan səbəblərdən “Real”a qoşulmaq və İngiltərəni tərk etmək istəyir.
Msport.az xəbər verir ki, soyuq, yağış və günəşin olmaması isti havaya və daha az sərt iqlimə öyrəşmiş Entsoya təzyiq göstərir. Fernandes dostu və Argentina milli komandasındakı yoldaşı Xulian Alvaresin nümunəsini izləmək istəyir. Xulian Alvares “Mançester Siti”dən “Atletiko”ya keçdikdən sonra daha çox diqqət çəkib. Enzo həmçinin özünə daha uyğun bir şəhərdə yaşamaq istəyir.
Argentinalı futbolçu 2023-cü ilin yanvarından “Çelsi”də çıxış edir. Bu mövsüm Fernandes bütün yarışlarda 36 oyunda meydana çıxıb, 11 qol vurub və dörd məhsuldar ötürmə edib. Onun klubla hazırkı müqaviləsi 2032-ci ilin yayına qədərdir.
