Françesko Totti: "30 ildə başa düşmədim, "Qızıl Top"u necə verirlər?"
“Roma” və İtaliya millisinin sabiq futbolçusu Françesko Totti “Qızıl Top”un hansı prinsiplərə əsasən verildiyini anlamadığını deyib. \
Msport.az “Corriere dello Sport”a istinadən xəbər verir ki, “Roma”nın əfsanəsi Leonel Messi ilə Kriştiano Ronaldonu da müqayisə edib:
“Messi və Ronaldo dünyanın ən yaxşı futbolçuları siyahısında qalırlar. Onlar fərqlidirlər: Messi texnikalıdır, Ronaldo isə daha çox komanda oyunçusudur.
Düzünü desəm, 30 illik karyeram ərzində başa düşmədim, “Qızıl Top” hansı prinsiplərə əsassən verilir. Komandanın ən yaxşı oyunçusu kimi ya fərdi nailiyyətlərə görə”.
Xatırladaq ki, bir müddət əvvəl “France Football” jurnalı dünyanın ən yaxşı futbolçusuna verilən “Qızıl Top”a namizəd 30 oyunçunun adını açıqlayıb. Maraqlıdır ki, siyahıda Messi yoxdur.
