Gimnastlarımızdan növbəti qızıl medal
Akrobatika gimnastikası üzrə Azərbaycan yığmasının üzvləri Bolqarıstanın Varna şəhərində keçirilən 31-ci Avropa çempionatında qızıl medal qazanıblar.
Msport.az xəbər verir ki, Nəzrin Zeyniyeva, Zəhra Rəşidova və Anahita Bashiridən ibarət qadın qrupu (gənclər) fəxri kürsünün birinci pilləsinə qalxıb.
Onlar balans hərəkətlərində bütün rəqiblərini üstələyiblər.
Qeyd edək ki, Azərbaycan gimnastları daha əvvəl 4 qızıl, 2 gümüş medal əldə etmişdilər.
