İngiltərə - Almaniya oyunu Əliyar Ağayevə tapşırıldı
21 yaşadək futbolçulardan ibarət milli komandaların Avropa çempionatı davam edir.
Msport.az xəbər verir ki, Əliyar Ağayev növbəti təyinatını alıb. FİFA referisi C qrupunda üçüncü tur çərçivəsində keçiriləcək İngiltərə – Almaniya oyununu idarə edəcək.
Ona yan xətt hakimləri kimi həmyerlilərimiz Zeynal Zeynalov və Akif Əmirəli kömək edəcəklər. Dördüncü hakim funksiyasını rumıniyalı Horati Feşniç yerinə yetirəcək.
Oyun iyunun 28-də keçiriləcək.
