İtaliya klubundan 9 milyon avroluq yeni transfer
“Atalanta” heyətini yeni futbolçu ilə gücləndirib.
Msport.az xəbər verir ki, İtaliya klubu A Seriyasının digər təmsilçisi “Udineze”dən müdafiəçi Brandon Soppini transfer edib.
Bu barədə “Atalanta”nın rəsmi saytı məlumat yayıb. Fransadan olan 20 yaşlı futbolçu ilə 4 illik müqavilə imzalanıb. Berqamo təmsilçisi bu transferə görə “Udineze”yə 9 milyon avro ödəyib.
Soppi Fransanın “Renn” klubunun yetirməsidir. “Udineze” onu sözügedən klubdan 2021-ci ilin avqustunda cəmi 2 milyon avroya transfer etmişdi.
