Azərbaycan Premyer Liqası: "Qarabağ"ın oyunu təxirə salındı
Azərbaycan Premyer Liqasında III turun oyun cədvəli məlum olub.
Msport.az PFL-in saytına istinadən xəbər verir ki, turun bütün görüşləri “CBC Sport” telekanalı vasitəsilə canlı yayımlanacaq. “Kəpəz” bu dəfə ev oyununu Qəbələdə keçirəcək. Hər iki klubun razılığına əsasən Gəncə klubunun Qəbələ ilə görüşü bu rayonda olacaq.
“Qarabağ”ın müraciəti, “Turan Tovuz”un razılıq məktubuna əsasən, “Qarabağ”ın Çempionlar Liqasının pley-of mərhələsindəki oyunlarının ölkə idmanı üçün əhəmiyyətini nəzərə alan PFL 3-cü turun “Turan Tovuz” – “Qarabağ” qarşılaşmasının təxirə salınması qərarını qəbul edib. Oyunun vaxtı barədə əlavə məlumat veriləcək.
19 avqust
16:30 “Şamaxı” – “Səbail”
Şamaxı şəhər stadionu
20 avqust
20:30 “Sabah” – “Neftçi”
“Bank Respublika Arena”
21 avqust
18:00 “Kəpəz” – “Qəbələ”
Qəbələ şəhər stadionu
20:30 “Zirə” – “Sumqayıt”
“Dalğa Arena”
