Mahir Emreli millinin düşərgəsində - "Bomj gəldi"
Xorvatiyanın “Dinamo” (Zaqreb) komandasının futbolçusu Mahir Emreli Bakıda təlim-məşq toplanışında olan Azərbaycan millisinin düşərgəsinə qoşulub.
Msport.az xəbər verir ki, bununla bağlı yığmanın qapıçı Şahruddin Məhəmmədəliyev instaqramda paylaşım edib.
“Qarabağ”ın qolkiperi keçmiş komanda yoldaşı və yaxın dostu olan hücumçu ilə zarafatlaşmağı da unutmayıb. Emrelinin fotosunu paylaşan Məhəmmədəliyev forvardın cırıq şalvar geyinməsinə işarə vuraraq “Bomj gəldi” yazıb.
Qeyd edək ki, Azərbaycan yığması iyunun 17-də Bakıda Estoniya ilə qarşılaşacaq.
