"Məqsədimiz mövsümü kubokla başa vurmaqdır"- İvan Brkiç
“Neftçi”nin qapıçısı İvan Brkiç komandasının Azərbaycan kubokunun finalına yüksəlməsini dəyərləndirib. Msport.az xəbər verir ki, Xorvatiya mətbuatına danışan 28 yaşlı futbolçu “Turan Tovuz”la yarımfinalın ilk oyunundakı məğlubiyyətin təsadüfi olduğunu deyib:
“İlk görüşdə uduzduqdan sonra cavab matçı asan keçmədi. Lakin daha güclü olduğmuzu bilirdik. Oyuna yaxşı hazırlaşmışdıq. Sona qədər səbrli davrandıq, bilirdik ki, 1 qol vursaq, davamı gələcək. Axırda belə də oldu”.
Brkiç finalda “Qəbələ”ni məğlub etməyə çalışacaqlarını bildirib: “Final görüşü bizim stadionumuzda keçiriləcək. Təbii ki, bu bizə əlavə üstünlük verir. Məqsədimiz mövsümü kubokla başa vurmaqdır”.
Qeyd edək ki, “Neftçi” ilə “Qəbələ” arasında Azərbaycan Kubokunun final görüşü iyunun 3-də “Bakcell Arena”da keçiriləcək.