Millimiz bürünc medal uğrunda oyunda uduzdu
Bakıda Ulu Öndər Heydər Əliyevin 100 illik yubileyinə həsr olunmuş Beynəlxalq Minifutbol Turnirinə yekun vurulub.
Msport.az xəbər verir ki, Azərbaycan millisi bürünc medal uğrunda görüşdə Qazaxıstan komandası ilə 2:2 hesabı ilə bərabərə qalsa da, oyunsonrası penaltilər seriyasında məğlub olub. Elşad Quliyevin komandası turniri 4-cü yerdə başa vurub.
Finalda Serbiya və Çexiya seçmələri üz-üzə gəlib. Çexiyalılar rəqibini 4:3 hesabı ilə məğlub edərək, beynəlxalq turnirin qalibi olublar. Serbiya komandası isə gümüş mükafata yiyələnib.