Millimiz İtaliyaya qarşı
Ümummilli Lider Heydər Əliyevin 100 illik yubileyinə həsr olunmuş Beynəlxalq Minifutbol Turnirində bu gün növbəti oyunlar keçiriləcək.
Msport.az xəbər verir ki, Bakı Tennis Akademiyasında təşkil olunan yarışda 6 matç baş tutacaq.
A və B qruplarında əvvəlcə II turun görüşləri oynanılacaq. Eyni zamanda, hər qrupda III turun da bir görüşü təşkil ediləcək. A qrupunda İtaliya, B qrupunda isə Türkiyə yığması iki oyun keçirəcək.
A mübarizə aparan Azərbaycan millisi günün son qarşılaşmasında meydana çıxacaq. İlk turda Çexiya ilə qolsuz bərabərə qalan yığmamız bu dəfə İtaliya seçməsi ilə üz-üzə gələcək.
Beynəlxalq Minifutbol Turniri
2 may
A qrupu
12:30. İtaliya – Gürcüstan
15:30. Serbiya – Çexiya
20:30. Azərbaycan – İtaliya
B qrupu
11:00. Türkiyə – Ukrayna
14:00. Qazaxıstan – CAR
19:00. Türkiyə – Fransa