Mingəçevirdə açılış mərasimi təxirə salındı
Bu gün Mingəçevirdə Ümummilli Lider Heydər Əliyevin anadan olmasının 100 illik yubileyinə həsr edilən “Prezident Kuboku-2023” beynəlxalq reqatasının açılış mərasimi keçirilməliydi.
Msport.az xəbər verir ki, tədbir saat 11.00-a planlaşdırılsa da, güclü yağış səbəbindən açılış mərasiminin vaxtı dəyişdirilib.
Xatırladaq ki, “Prezident Kuboku-2023” reqatasına 20 ölkədən avarçəkmənin akademik, kayak və kanoe növlərində 100-dən çox yerli və xarici idmançı mükafatlar uğrunda mübarizə aparacaq.
Onu da qeyd edək ki, “Prezident Kuboku” reqatası bu il ilk dəfə olaraq Avropa Kanoe Assosiasiyasının təqvim planına daxil edilib
