Mutunun "Neftçi"yə gətirmək istədiyi ilk futbolçu
“Neftçi”nin yeni baş məşqçisi Adrina Mutunun komandaya cəlb etmək istədiyi ilk futbolçu bəlli olub.
Msport.az “Prosport.ro” istinadən xəbər verir ki, 44 yaşlı mütəxəssis rəhbərlikdən Rumıniya CFR-ində çıxış edən Yuri Matiasın transfer olunmasını istəyib.
“Ağ-qaralar”ın bunun üçün danışıqlara başladığı bildirilir. “Neftçi”dən başqa Mutunun sabiq klubu “Rapid” də 28 yaşlı braziliyalı mərkəz müdafiəçisinin xidmətində maraqlıdır.
CFR-in onun üçün 500 min avro istədiyi iddia olunur.
Qeyd edək ki, Matias “Qaz Metan” (Rumıniya), “Traktor” (İran), “Akademika” (Portuqaliya) klublarında da çıxış edib.
“Ağ-qaralar” Voislav Stankoviçlə vidalaşdığından mərkəz müdafiəçisi mövqeyinə futbolçu axtarırlar.
