“Napoli”dən yeni transfer
İtaliyanın “Napoli” klubu heyətini yeni futbolçu ilə gücləndirib.
Msport.az xəbər verir ki, bu barədə insayder Fabritsio Romano məlumat yayıb.
“Benfika”nın futbolçusu David Neres Neapol təmsilçisinə keçir.
Neresin transferi ilə bağlı klublar arasında 30 milyon avroya razılıq əldə edilib. 27 yaşlı ön xətt oyunçusu növbəti həftə Neapola gedərək “Napoli” ilə müqavilə imzalayacaq.
Qeyd edək ki, “Benfika” David Neresi 2022-ci ilin yayında “Şaxtyor”dan transfer edib. Braziliya millisinin üzvü ötən mövsüm Lissabon təmsilçisinin heyətində meydana çıxdığı 35 rəsmi matçda 5 qol və 10 məhsuldar ötürmə ilə yadda qalıb.
