"Neftçi" keçmiş futbolçusuna borcunu ödədi
“Neftçi” keçmiş futbolçusu Mirabdulla Abbasova borcunu ödəyib.
Msport.az xəbər verir ki, bu barədə AFFA-nın rəsmi saytı məlumat yayıb.
Oyunçuların Statusu və Transferi Komitəsi 28 yaşlı hücumçunun paytaxt klubuna qarşı işi ilə bağlı tələbinin təmin olunduğunu açıqlayıb.
“1 iyun 2021-ci il tarixli Mülki Hüquqi müqaviləyə xitam verilməsi haqqında” 2022-ci il sentyabrın 1-dəki razılaşmaya əsasən, iddiaçının tələb etdiyi 80 000 manat kompensasiya məbləğinin qalan 23 585,5 manatı “Neftçi” tərəfindən ödənilib.
Qeyd edək ki, “Neftçi”nin yetirməsi olan Mirabdulla Abbasov 2022-ci ilin sentyabrında “Səbail”ə keçib.
