Okan Buruk "Qarabağ"la oyun barədə çağırış edib
“Qalatasaray”ın baş məşqçisi Okan Buruk Bakıda “Qarabağ”a qarşı keçirəcəkləri yoldaşlıq oyunu ilə bağlı çağırış edib.
Msport.az xəbər verir ki, 50 yaşlı mütəxəssis “CBC Sport”a açıqlamasında azərbaycanlı azarkeşləri stadiona səsləyib:
“Martın 26-da Bakı Olimpiya Stadionunda zəlzələdən əziyyət çəkənlərə yardım üçün “Qarabağ”la oynayacağımız dostluq matçına bütün Azərbaycan xalqını gözləyirik. Qardaşlığımızı, dostluğumuzu, sevgimizi orada birlikdə göstərəcəyik”.
Qeyd edək ki, görüş saat 20:00-da başlayacaq.
