Paris-2024-də evlilik təklifi
Paris-2024-də badmiton üzrə qarışıq komandaların yarışına yekun vurulub. Msport.az xəbər verir ki, bu turnirdə nəticələrdən çox, başqa hadisə diqqət mərkəzinə düşüb.
Belə ki, Çin badmintonçusu Huan Yatsion Cen Siveylə birlikdə qarışıq komandaların yarışında Olimpiya oyunlarının qızıl medalını qazansalar da, gün onlar üçün bununla bitməyib. Ardınca sevgilisi, badminton üzrə Çin millisinin üzvü – Liu Yuçen (Tokio-2020-nin gümüş mükafatçısı) Huana evlilik təklif etdi. Bu, Paris-2024-lə bağlı ilk belə hal deyil. Daha öncə Olimpiya kəndində argentinalı həndbolçu Pablo Simonet və sözügedən ölkənin otüstü hokkey komandasında çıxış edən Mariya Kampoy bənzər şəkildə diqqət mərkəzinə düşmüşdülər.
