Paytaxt klubu ən bahalı transfer hazırlığında
“Fulhem” tarixinin ən bahalı transferini həyata keçirməyə yaxındır.
Msport.az xəbər verir ki, klub PSV-nin hücumçusu Rikardo Pepinin transferi ilə bağlı razılıq əldə edib.
Sövdələşmənin dəyəri təxminən 37 milyon avro təşkil edəcək ki, bu da “Fulhem”in tarixində ən bahalı transfer olacaq. 23 yaşlı futbolçu da Premyer Liqa klubuna keçməyə razılıq verib.
Qeyd edək ki, Meksika əsilli amerikalı oyunçu cari mövsümdə PSV-nin heyətində keçirdiyi 22 matçda 11 qol və iki məhsuldar ötürmə ilə yadda qalıb.
