“Qalatasaray” “Napoli”nin hücumçusunu alır
“Napoli”nin hücumçusu Noa Lanq karyerasını Türkiyədə davam etdirməyə yaxındır.
Msport.az xəbər verir ki, Türkiyə çempionu “Qalatasaray” onun xidmətində maraqlıdır.
İstanbul nəhəngi Niderland millisinin futbolçusunun icarəsi ilə bağlı danışıqları müsbət sonluqla yekunlaşdırmaq üzrədir. “Qalatasaray” icarə üçün İtaliya klubuna 2 milyon avro ödəyəcək. Müqavilədə 30 milyon avroluq satınalma seçimi də var. “Qalatasaray” iyun ayında Lanqı birdəfəlik transfer edərsə, onun maaşı “Napoli”dəki maaşından daha yüksək olacaq.
Qeyd edək ki, 26 yaşlı Lanq bu mövsüm A Seriyasında 18 matça çıxaraq 1 qol və 2 məhsuldar ötürmə ilə yadda qalıb. “Transfermarkt” onun dəyərini 25 milyon avro qiymətləndirir.
