"Qarabağ" Avstriyaya yollandı - FOTO
“Qarabağ” təlim-məşq toplanışı üçün Avstriyaya yollanıb. Msport.az klubun rəsmi saytına istinadən xəbər verir ki, Azərbaycan çempionu yeni mövsümə Tirolda hazırlaşacaq.
Ağdam klubu toplanış zamanı 3 yoxlama görüşü keçirməyi planlaşdırır. Qurban Qurbanovun komandası iyunun 27-də “Ferentsvaroş” (Macarıstan), iyulun 1-də isə “Legiya” (Polşa) ilə qarşılaşacaq. Üçüncü rəqib hələ ki məlum deyil.
Qeyd edək ki, “Qarabağ”ın ilk rəsmi matçı UEFA Çempionlar Liqasının I təsnifat mərhələsində Cəbəllütariq təmsilçisi “Linkoln”a qarşı olacaq. Matç iyulun 11-də və ya 12-də səfərdə baş tutacaq.
