"Qarabağ"dan Norveçdəki oyuna getmək istəyənlərə müraciət
UEFA Avropa Liqasında keçiriləcək “Budyo Qlimt” (Norveç) – “Qarabağ” oyunu üçün qonaq azarkeşlərə ayrılmış biletlər satışa çıxarılır.
Msport.az xəbər verir ki, bu barədə Ağdam təmsilçisi məlumat yayıb.
Tərəfdarlar biletləri saat 14:00-dan etibarən iTicket.az saytında əldə edə biləcəklər.
Fanatlar əldə etdikləri vauçerləri oyun günü saat 14:00-dan 16:00-a kimi “Scandic Havet” (Address: Tollbugata 5, 8006 Bode, Norge) otelinin məlumat şöbəsinə yaxınlaşaraq biletə dəyişməlidir. Biletlərin qiyməti 55 manatdır.
Qeyd edək ki, Liqa mərhələsinin IV turunda, noyabrın 7-də təşkil olunacaq “Budyo Qlimt” – “Qarabağ” oyunuBakı vaxtı ilə saat 21:45-də start götürəcək.
