“Qarabağ”ın qapıçısı meydanı xərəkdə tərk etdi
Futbol üzrə Azərbaycan millisinin və “Qarabağ”ın qapıçısı Şahruddin Məhəmmədəliyev zədələnib.
Msport.az xəbər verir ki, 28 yaşlı qolkiper səfərdə “Turan Tovuz”a 2:0 hesabı ilə qalib gəldikləri Azərbaycan Premyer Liqasının 3-cü turundan təxirə salınmış oyunda boynundan xəsarət alıb.
Matçın son dəqiqələrdə çıxışda komanda yoldaşı Bədavi Hüseynovla toqquşan Məhəmmədəliyev boynu üstə yerə düşüb. Hakimlərin ilkin müdaxiləsi ilə ayağa qalxan təcrübəli qapıçı görüşü davam etdirib.
Lakin final fitindən sonra yerə yıxılan qolkiper meydanı xərəkdə tərk edib.
